The Names – فريق التحرير
هنا الزاهد توجه رسالة مؤثرة إلى الراحل طلعت زكريا بمناسبة عيد ميلاده
وجهت الفنانة المصرية هنا الزاهد رسالة مؤثرة إلى الفنان الراحل طلعت زكريا بمناسبة عيد ميلاده الموافق في الثامن عشر من شهر ديسمبر \ كانون الأول، وطلبت من الجمهور الدعاء له بالرحمة.
ونشرت الزاهد صورة تجمعها مع الفنان طلعت زكريا أثناء عقد قرانها على زوجها النجم أحمد فهمي عبر خاصية “الأستوري” على حسابها الرسمي في موقع “انستقرام” وعلقت عليها قائلة: “زي النهاردة 18 ديسمبر كان عيد ميلاد أحن أب عرفته في حياتي”، متابعة: “ربنا يرحمك، وحشتنا كلنا، أرجو قراءة الفاتحة على روح طلعت زكريا”.
وكانت النجمة المصرية قد استخدمت نفس الصورة من قبل، وبالتحديد عند وفاة زوج والدتها الفنان طلعت زكريا، مشيرة إلى أنه هو والدها الحقيقي، كما أنها متأكدة من دخولها الجنة، لأنه قام بتربيتها هي وشقيقتها.
وكشفت الزاهد عن الحزن الشديد الذي تعرضت له بعد وفاة زكريا من خلال صورة نشرتها عبر حسابها الرسمي في موقع “انستغرام” معلقة عليها: “”دي آخر صورة اتصورتها في كتب كتابي مع أبويا وحبيبي وسندي اللي كبرت معاه سنين”.
وتابعت: “أنا فتحت الصورة دي من بدري و عايزة أقولك انك ربنا هيدخلك الجنة يا أطيب خلق الله انت ربيت ٣ بنات وكأنك ابوهم واكتر. أنا عايزة أقولك إني معرفتش كلمة بابا غير وأنا معاك”.
وأضافت: “فاكرة أول بيض اومليت وقولتلي اعملي مطعم “بالهنا والشفا” واديتني ١٠٠ جنيه عشان تشجعني أطبخ، كنت دايماً تقولي انت هتبقى حاجة كبيرة وكنت بتشجعني”.
واستكملت حديثها قائلة: “عمري ما قلت أصلاً تقريباً بابا غير ليك. كنت بجري عليك أول معمل حاجة غلط عشان تدافع عني قدام ماما”، “كنت فخور بيا لما اتخرجت وعيطت اليوم ده. أنا عمري محسيت انك مش أبويا اللي مخلفني”.
واختتمت رسالتها: “أنا مش مصدقة اني مش هشوفك تاني واقولك زازي يا زازي.. نفسي ترجع واقولك قد ايه احنا بنحبك كلنا وأقولك إنك أعظم ممثل، أنا بحبك أوي ومكنتش أعرف إني بحبك أوي كده. هتوحشني يا أحن إنسان عرفته في حياتي أرجو الدعاء”.
وفي وقت سابق كانت تحدثت الفنانة هنا الزاهد لأول مرة عن والدها الحقيقي، أثناء مقابلة صحفية مع خبيرة التجميل فاطمة المهنا عبر برنامج “حلوة رمضان” الذي يعرض على قناة MAKE UP FOR EVER في موقع “يوتيوب”، مشيرة إلى أن والديها انفصلوا عندما كانت تبلغ من العمر عشر سنوات فقط وشقيقتها فرح في الثامنة.
ووجهت هنا رسالة إلى والدها وهي تبكي قائلة: “أنا مسامحاك إن إنت مكنتش معانا الأيام دي كلها.. كان نفسي تكون معايا أنا عارفه إن أنت بتحبني أوي ومبسوط بيا وفخور بيا وأنا كمان بحبك أوي”.
وطلبت منه أن يسامحها بسبب عدم سؤالها على أشقائها قائلة: “سامحني هسأل عليك أكتر من كده وأنا نفسي تبقا قريب مني زي ماما بالظبط، أنا بحبك جداً عشان أنت فعلا أعظم أب في الدنيا”.
