The Names – فريق التحرير
روبي تكشف عن السبب وراء مقاطعة أهلها لها والسر في اختيار اسمها
كشفت النجمة المصرية روبي عن تفاصيل حياتها الشخصية في فترة الشباب، كما كشفت عن عمرها الحقيقي وهو أربعون عاما، وتحدثت أيضا عن السر الذي جعلها تختار اسمها.
وصرحت روبي خلال لقائها الإعلامي في برنامج “معكم منى الشاذلي” المذاع عبر قناة CBC والذي تقدمه الإعلامية منى الشاذلي، أن الفن كان السبب وراء خسارة عائلتها في بداية مشوارها الفني قائلة: “خسرت كل الناس الذين أحبهم لعدم تمكنهم من تحمل ردود فعل المجتمع والجمهور على الأعمال الغنائية التي قدمتها في بدايتي، مما جعلني أغير مساري.
وأوضحت النجمة المصرية أن لها 7 خالات بالإضافة إلى والدتها قاطعوها بسبب ما كانت تقدمه من أعمال جريئة، قائلة: “قعدت مع نفسي وعملت وقفة وقلت هعيد صياغة الموضوع تماما ودخلت التمثيل وعملت أدوار منها سجن النسا، أنا مش ملخصة في رقصة .. أنا كيان وروح.. أنا حاجة تانية غير اللي الناس بتقوله عليا”.
وكشفت أيضا عن اسمها الحقيقي، حيث قالت: “في البيت أسرتي بتقولي رانيا مش روبي”، مضيفة: “في الشارع فاكرين إن اسمي رباب، وده مش حقيقي، لأن اسم روبي ماكنش متداول أوي في الشارع.. اسم روبي فني بحت وأنا اسمي الحقيقي رانيا، استغربت الاسم ده في البداية”.
أما عن السبب وراء اختيارها لاسم روبي قالت: “لما كنت بعمل فيلم سكوت هنصور مع المخرج يوسف شاهين، كان جو بيدلعني وبيحبني وقالي انتي اسمك هيبقى روبي، والحقيقة عجبني الاسم ده جدا، لأنه سهل النطق ومختلف”.
وكشفت الفنانة المصرية عن أن النجمة ميرهان مجدي الشهيرة باسم “كوكي” هي أختها لكن غير الشقيقة قائلة: “إحنا مش أشقاء، بس كوكي أختي وصاحبتي، وماما شخصيتها قوية خلتنا نحب بعض، و نتمنى نموت في يوم واحد من كتر ما بنحب بعض”، موضحة انها تكبرها ب 6 سنوات.
ومن جهة أخرى تحدثت كوكي عن المميزات في شخصية شقيقتها قائلة: “روبي كوميدية أوي في البيت عدا وهي صاحية من النوم، محدش بيجي جنبها، كارثة، وبتتكسف ووشها بيحمر لو حد قالها كلمة حلوة”.
وتحدثت روبي خلال المقابلة عن علاقتها مع المطبخ بقولها: “حرقت الأكل والبيت مرة، بس مش لدرجة إني فاشلة، قررت أعمل بطاطس محمرة، وبعملها تحفة، وبحب الأكل على نار هادية أوي، فطبختها على 3 أيام، فنمت وسبت البطاطس على النار فبقت حريقة”.
وتطرقت النجمة المصرية للحديث عن تفاصيل الحريق الذي حصل في منزلها منذ فترة، وقالت: “من ستر ربنا كانت شبابيك الشقة مقفولة، لأن الشبابيك لو كانت مفتوحة والحريقة مولعة كانت زمانا ولعنا، النار اتكتمت بسبب الشبابيك المقفولة، وأول ما فتحنا الباب النار جريت ورانا، اتكسفت وأنا نازلة قدام الناس عشان كان وشي مليان هبو”.
وأوضحت روبي بعض التفاصيل عن عائلتها وبداية حياتها المهنية قائلة: “طموحي كان في الأول إنى أشتغل موظفة واتجوز، وأسرتنا كلها موظفين ودكاترة ومهندسين.. جدى كان صعيدى وموظف في وزارة الري، وكان ليه ثأر المفروض يروح ياخذه من الصعيد فكان نفسه يخلف ولد وربنا اداله سبع بنات سبحان الله، والسبع بنات كانوا بـ100 راجل، واتعلمت منهم إنى أكون مسئولة، وأنا بشوف خالاتى ووالدتي كلمة مسئولية قليلة عليهم، وما قدرش أعتمد على حد أنا اتربيت على كدة، ولا أقول لحد عايزة حاجة”.
